ആ മണിനാദം

പ്രതീഷിച്ചിരിക്കവേ

മൌനം ഭന്ജിച്ചതൊന്നു ചിണുങ്ങി 

ആ മണി നാദമെന്‍ 

ഹൃദയത്തിന്‍ തംബുരു മീട്ടിയത്  

പ്രകാശവര്‍ഷത്തിന്‍ വേഗതയില്‍ !!!

യെന്‍ ഹൃത്തില്‍ ആഗതമായി 

തപ്പും തുടിയും താളമേളങ്ങളും ;

പ്രതീക്ഷകള്‍ക്ക് ചിറകു 

നല്‍കി ഓടിചെന്നെടുത്തു കയ്യില്‍,

വച്ചു കാതിലതു നാണത്തോടെ ...

നിര്‍ഗളിക്കുമതില്‍നിന്നും പൌരുഷ 

മേറിയൊരാ ശബ്ദമെന്ന പ്രതീക്ഷയാല്‍ !!!

ശ്രവിച്ചു ഞാനതില്‍ നിന്നുമൊരു 

വിറപൂണ്ട ശബ്ദം ...

ക്ഷീണിത  സ്വരം ...

ദുഖത്തിന്‍ നടുകയത്തിലേക്ക്

ചുഴറ്റിയെറിഞാസ്വരം

എന്നിലെ എന്നെ. 

 നിശ്ചലമായി കണ്ണീര്‍വാര്‍ത്തു 

നിന്നെ ഓര്‍ത്തു 

നിന്‍ വിളിക്കായി ...

വീണ്ടും ആ മണിനാദത്തിനായി...

മൌന മയൂഖം

മറയുന്നു ഞാനോമലേ 

മൌനശരങ്ങള്‍ നല്‍കിയ 

മുറിപാടുകളോടെ,

മനസ്സിലൊരുപിടി 

മ്ളാനതയോടെ ...

മാച്ചിടും കാലമീ 

മുറിവിന്‍ നീറ്റലെന്ന

മിഥ്യാധാരണയാല്‍!!!

മഴയായി ഉതിരും കണ്ണീര്‍ നനവില്‍ 

മൌനത്തിന്‍ ആദ്യാക്ഷരങ്ങള്‍

മനപ്പാടമാക്കിയവള്‍ ഞാന്‍ ...

മധുരത്തില്‍ പൊതിഞ്ഞു നീ നല്‍കും 

മൌനാക്ഷരങ്ങള്‍ക്കപ്പുറം 

മഴമേഘങ്ങളെ കാത്ത്...

മഴവില്ലിന്‍ നിറങ്ങളുള്ള 

മയൂഖമായി ആടി തളരാന്‍! 

മാലാഖകുഞ്ഞ്

നീ സ്നേഹം പഠിച്ചവന്‍

സ്നേഹിക്കാന്‍ പഠിപ്പിച്ചവന്‍

ജീവിതത്തെ സ്നേഹം 

കൊണ്ട് നിറച്ചവന്‍  ....

നിന്നിലെ സ്നേഹ

മെന്നിലേക്കൊഴുകി

ഞാന്‍ പോലുമറിയാതെയെന്നില്‍

തളിരിട്ടു എന്നെ തളര്‍ത്തി  

വളര്‍ന്നു കൊണ്ടേയിരിക്കുന്നു ...

യെന്നുള്ളത്തില്‍ പിച്ചവെച്ചു 

നടക്കും നമ്മുടെ 

സ്നേഹ പൈതലിനെ 

നീയും ഞാനും എന്നും 

നമ്മുക്കിടയില്‍ വളര്‍ത്തി 

കൊണ്ടിരിക്കും ...

ലോകത്തിന്‍ മിഴിമുനകള്‍ക്ക് 

മുന്നില്‍ നമ്മിലെ  

മാലാഖകുഞ്ഞു 

മറഞ്ഞിരിക്കുമെങ്കിലും

നമ്മുക്കിടയില്‍ കുഞ്ഞിന്‍ 

ചിരികൊഞ്ചലുകള്‍

അന്യം നില്‍ക്കാതെ 

നമ്മോളം വളര്‍ന്നിടട്ടെ ! 

ജീവിതം പൂരപ്പറമ്പ്

 മഷികണ്‍കളിലെ

കരിമഷിയിളകി.

നെറ്റിയില്‍ ചാര്‍ത്തിയ 

കുകുമം ഇറ്റിറ്റു വീഴവെ...

മനസ്സിലെ കദനം

പേമാരിയെ പോല്‍ -

കാറില്ലാത്ത മാനത്തും 

നിറങ്ങളില്ലാ മഴവില്ലിന്‍ 

ശീലുകള്‍ വിണ്ടു കീറി !!!  

ആരുടെയോ മനോവേദനതന്‍ 

ഗര്‍ജ്ജനത്താല്‍ ഇടിവെട്ടി;

എല്ലാം പൂരപറമ്പ് കണക്കെ 

ചിന്നി ചിതറി കിടക്കവേ

നിന്നില്‍ നിന്നൊഴിഞ്ഞു 

പോയത് ആനന്ദത്തിമര്‍പ്പില്‍ 

ആര്‍ത്താടിയ സ്വയം 

മറന്ന ദിനങ്ങള്‍ !!!

[2003]

എന്നില്‍

എന്നില്‍ :-

ഇനിയില്ല വാക്കുകള്‍ 

ഇനിയില്ല കണ്ണുനീരുതിര്‍ക്കാന്‍ .

ഇനിയില്ല എന്‍ ശരികള്‍ 

ഇനിയില്ല എന്‍ ചിന്തകള്‍.

ഇനിയെന്നില്‍ :-

സ്പന്ധിക്കും നാഡികള്‍ മാത്രം.

രക്തം ചീറ്റും ധമനികള്‍ മാത്രം.

മങ്ങലേല്‍ക്കും കാഴ്ചകള്‍ മാത്രം.

അറ്റുംപോം സ്വപ്‌നങ്ങള്‍ മാത്രം.

[2003]

നിന്നെയും കാത്ത് ...

തൂവലുരിഞ്ഞ

ചിറകുവെട്ടിമാറ്റപ്പെട്ട 

ചെരുപക്ഷിയെ പോല്‍ 

ഞാനിഴയുകയാണ് .

ഇരുട്ടില്‍ മുങ്ങിതിരയുകയാണ് 

ഒരു മിന്നുവെട്ടം കാണാന്‍ ...

നിന്‍ വഴികാട്ടിയായി 

ഞാനുണ്ടിവിടെ ;

ഈ ഇരുട്ടറയില്‍ .

കൈകളില്‍ തിരികൊളുത്തി 

കണ്ണിലെണ്ണയൊഴിച്ചു,

രക്തനീര്‍ പൊഴിച്ച് 

ഞാന്‍ ...

എല്ലാം പാഴായി 

പോയൊരു ജന്മം .

എല്ലാ വ്യര്‍ത്ഥ-
സ്വപ്നങ്ങളും പേറി,

എരിഞ്ഞു നില്ക്കയാണ്

ഞാനിന്നും 

നിന്നെയും കാത്ത്.... 
[24/3/03]

ഓര്‍മ്മകള്‍

മരിച്ചിരുന്നെങ്കില്‍ 

വിതുംബാമായിരുന്നു.

മറന്നിരുന്നെങ്കില്‍ 

ഓര്‍മ്മകളില്‍ നിങ്ങളെ 

തിരയാമായിരുന്നു.

മരിക്കാത്ത ഓര്‍മ്മകളെ പേറി 

ഞാനെന്തു ചെയ്യും ?

അവയേറ്റു വാങ്ങിയ എന്നെ 

ഞാന്‍ എവിടെ കൊണ്ട് -

ദഹിപ്പിക്കും?

മരിച്ചിട്ടും ജീവിക്കുന്ന 

സത്യങ്ങളെ ഞാന്‍ 

എവിടെ കൊണ്ട് 

അടക്കം ചെയ്യും ?? 

ഏതു പുണ്യ തീരത്തു 

കൊണ്ടൊഴുക്കും  

എന്നിലെ ഒരു പിടി 

ചാരങ്ങളെ -

നിങ്ങളില്‍ നിന്ന് 

മോക്ഷം നേടാന്‍ ?

പിറവി

വിരഹാദ്രമീയാമത്തില്‍ 

കണ്ണുനട്ടങ്ങകലേക്ക് 

നൊക്കിയിരിപ്പൂ താരങ്ങള്‍ .

കാണുന്നൂ ഞാന്‍ ചന്ദ്രനെ 

കാണാന്‍ കൊതിക്കുനതോ 

സൂര്യനെ  !!!

ഇനിയെത്ര നാഴികയുണ്ട് പുലരാന്‍ 

അവനൊന്നു ഉദിച്ചുയരാന്‍ 

നയനങ്ങള്‍ക്ക് ഒരു കുളിര്‍മയായി ?

ഉദിച്ചുയരും പ്രതീക്ഷയായി !

കാത്തുനിന്നാനിമിഷം 

കൈകുമ്പിളില്‍ ഒതുങ്ങുമ്പോള്‍ 

മിന്നമിനുങ്ങിന്‍ ജീവിതം 

എന്നെ ദുരേകൊണ്ട് മറച്ചു.

ഇനിയോരുജന്മമുണ്ടെങ്കില്‍ 

പിറവിയെടുക്കട്ടെ 

ഞാന്‍ ഭൂമിയായി 

നവഗ്രഹങ്ങളില്‍ ഒരുവളായി 

നിന്നെ വലയം പ്രാപിച്ചിടാം

നൈമിഷികമെങ്കിലും ജീവിതത്തില്‍ . 

Words like Pathways

Words of Love are

Gained from Heaven,

Accompanied by Angels.

Words of Hatred are

Doors to Hell,

Accompanied by Demons.

Loving words will penetrate

Even a  heart of stone,

While words of bad breath

Can even make world tremble!

Words are always like 

Pathways to your personality.

[2001]

അവളുടെ സ്വര്‍ഗ്ഗകവാടം

 കിനാക്കള്‍ക്ക് ചിറകു

മുളച്ചപ്പോള്‍ അവള്‍ 

ചിത്രശലഭം  കണക്കെ 

പാറി പാറി നടന്നു .

അഞ്ജതയോടെയെങ്കിലും 

സ്വസൌന്ദര്യത്തില്‍ 

അഹങ്കരിച്ചവള്‍,

കാലമെന്ന കാലനെ മറന്നു .

ആകാശത്തേക്ക് ദ്രിഷ്ട്ടി 

പായിച്ചവള്‍ വിശ്വസിച്ചു 

അവള്‍ക്കായി സ്വര്‍ഗകവാടം 

തുറക്കപെട്ടിരിക്കുന്നുയെന്ന് .

വികാരതരളിതയായി 

മറ്റാരെയും  ഗൌനിക്കാതെ 

മറ്റൊന്നും ചിന്തിക്കാതെ 

കുതിച്ചു അവിടെക്കെത്താന്‍.

തന്റെ ചിറകിന്‍ 

ന്യുനതകള്‍ മറന്നു 

തന്റെ പരിമിതികള്‍ 

ലംഘിച്ചവള്‍ .

പലതും മോഹിച്ചും 

വേദനകള്‍ സഹിച്ചും 

സ്വപ്‌നങ്ങള്‍ നെയിതും 

അവള്‍ ലക്ഷ്യസ്ഥാനതെത്തി .

അപ്പോള്‍ മാത്രമായിരുന്നു 

ആ കവാടം വെറും 

മേഘ പാളിയായിരുന്നെന്ന  

 സത്യമവളെ ഉണര്‍ത്തിയത്.

സ്വപ്‌നങ്ങള്‍ ചിന്നിച്ചിതറി 

ഹൃദയം പൊട്ടിത്തെറിച്ചു 

വേദനയാല്‍ പിടഞ്ഞു 

പാവം ചിറകറ്റ് താഴെ വീണു.

ഒരു പുഴുവിനെ പോല്‍ 

കുറച്ചിഴഞ്ഞവള്‍.

ഒന്ന് ഞെരുങ്ങി 

പിന്നെ സ്വയം വിങ്ങി !

തന്നെ  സ്വപ്‌നങ്ങള്‍ 

കാണിച്ച്  വഞ്ചിച്ച

ആ സ്നേഹാംബരത്തെ 

നോക്കി കണ്ണുനീര്‍ പൊഴിച്ചവള്‍ !

നയനങ്ങള്‍   മെല്ലെ ചിമ്മി ,

ഇനിയൊരിക്കലും തുറക്കാത്ത 

ആ കണ്‍കളില്‍ കണ്ണുനീര്‍ 

തുള്ളികള്‍ വറ്റാതെ നിന്നു.

അവ ചിറകു മുളച്ച ആ 

ദിനത്തെ പഴിക്കുണ്ടായിരിക്കാം

സ്വപ്നങ്ങള്‍ നെയ്ത 

നിമിഷങ്ങളെ വെറുക്കുന്നുണ്ടാകാം!

അവള്‍ തന്‍ ചിറകുകള്‍ 

അവളിലെ സഫലമാകാ 

സ്വപ്‌നങ്ങള്‍ പോല്‍ 

കാറ്റില്‍ പാറി പറക്കുന്നുയിന്നും ,

യാഥാര്‍ത്യത്തിന്‍ 

ആത്മാര്താഥതന്‍ 

മറ്റൊരു സ്വര്‍ഗ്ഗകവാടം 

തേടി അലയും പോല്‍ !!!     


 [2003]

ഞാന്‍

നീ :-

നിന്നില്‍ ഉദിച്ചസ്തമിക്കുക

നിന്നില്‍ എരിഞ്ഞടങ്ങുക.

നിന്നില്‍ തളിരിട്ടുവാടുക 

നിന്നില്‍ ജീവിച്ചു മരിക്കുക!

ഞാന്‍ :-

എന്നില്‍ ചിരിച്ചു കരയട്ടെ 

എന്നെ സ്നേഹിച്ചു മരിക്കട്ടെ.

എന്നെ ചതിച്ചു നേടട്ടെ.

എന്നെ വിശ്വാസത്തോടെ വഞ്ചിക്കട്ടെ!

നിങ്ങള്‍ :-

സത്യസന്ധരാകുക 

ആത്മാര്തരാകുക 

സ്നേഹമാകുക 

ദയയാകുക !

അവര്‍ :-

രസിക്കട്ടെ 

അനുഭവികട്ടെ 

പുച്ഹിക്ക്ട്ടെ

വെറുക്കട്ടെ!

ഞാന്‍:-

എന്നിരുന്നാലും 

ഞാനാകും 

എന്നും 

എന്നെന്നും !!! 

Seasonal Friendships

 

Some days shed,

Some days bloom

Life is so seasonal

Life is so occasional.

But I can't be seasonal,

And I don't want you to be seasonal.

I hate to be occasional,

And I don't want you to be occasional.

Seasons may deprive us one day

Seasons may Bless us another day.

But I can't be a season,

And I don't want you to be a season.

But I urge you to be constant,

Like a rising sun,

Like  twinkling stars,

Like a bright full moon-

Forever and Forever,

Let you be you only!!!
To me as a life's reason
Than mere like a Season!!! 
*****************************
[Prize winning poem for
 Versification on the subject "Season"]

സ്നേഹതടവറ

കൂരിരുട്ടുള്ള രാത്രിയില്‍

മിന്നാമിനുങ്ങ്‌ പോല്‍

ആര്‍ത്തിരമ്പും കടലില്‍

ചെറു വഞ്ചി പോല്‍,

കൊടുംകാറ്റില്‍ ചെറുത്ത്

നില്‍ക്കും പര്‍വതം പോല്‍;

വെളുത്ത പായ കടലാസ്സില്‍

കറുത്തക്ഷരങ്ങള്‍ പോല്‍ ;

വറ്റിവരണ്ട ഭൂമിയില്‍

നീരുറവ പോല്‍;

കല്ലും മുള്ളും തിങ്ങും  വീഥിയില്‍

പച്ചപടര്‍പ്പ് പോല്‍ ;

നീ വന്നു എന്‍ ജീവിതത്തില്‍

എന്‍ ഹൃദയത്തിലേക്ക്,

ഒരു നല്ല കുട്ടുകാരനെ പോലെ

വിശ്വതനായ തുണക്കാരനെ പോലെ

അങ്ങിനെ എന്തൊക്കെയോ പോലെ,

അവ വിവരണങ്ങള്‍ക്കു അതീതം,

ഈ ബന്ധത്തിന് അതിരില്ല .

ഏത് നാമവും അര്‍ത്ഥ സംപുഷ്ട്ടം

ഈ ബന്ധനമാകുന്ന ഈ ബന്ധനത്തിന്.

ഈ ബന്ധനം എന്റെ സ്വര്‍ഗ്ഗം ;

ഈ സ്നേഹ തടവറയില്‍ ഞാന്‍

സ്വയം ബന്ധിനിയായി

ഈ പ്രണയ സ്വര്‍ഗത്തില്‍

ഞാന്‍ ഇന്ന് സുരക്ഷിത ,

നിന്‍ സ്നേഹത്തില്‍ ഞാന്‍ ഇന്ന് പൂര്‍ണ്ണം!!!