പൊഴിഞ്ഞ നീര്‍മാതളം

[ഈ നീര്‍മാതളം പോഴിഞ്ഞിട്ട് ഒരു വര്‍ഷം തികയുന്നു .
പാവന സ്നേഹത്തിന് മുന്നില്‍ പ്രാര്‍ഥനകള്‍ മാത്രം ...
ഒപ്പം ഈ കൊച്ചു വരികളും ....]

Photobucket



 ഒരു കമലാദളം പോലെ 


എപ്പോഴോ നീ വിരിഞ്ഞു 

എന്‍ മനസ്സിന്‍ അകതാരില്‍.
എഴുത്തിന്‍  ദാസിയായി
സ്നേഹത്തിന്‍ പര്യായമായി 
കവിതയുടെ തോഴിയായി.
ചൈതന്യത്തിന്‍  സുരവും താളവും 
നിന്നില്‍ വിരിഞ്ഞപ്പോള്‍ 
നീ കമലാ സുരയ്യയായി.  
 ഇമയാട്ടും പുഞ്ചിരിയാല്‍  
നീ നിലകൊണ്ടു എന്‍ ആത്മാവില്‍ 
നിന്‍റെ സ്നേഹ ഗീതങ്ങള്‍  
മാറ്റൊലി കൊണ്ടതൊ  എന്‍ 
ഹൃദയതന്ത്രികളില്‍.
ഒരു മൂളി പാട്ടായി ഞാനും 
അവ ഏറ്റു  പാടി ഇന്നും.
നിന്നോര്‍മ ഒരു വിങ്ങലായി 
അല തല്ലുമെന്നും എന്നില്‍
എങ്കിലും ഇവിടെ ഞാന്‍ 
നിനക്കേകട്ടെ  
 നീര്‍മാതള  പൂക്കളാല്‍ 
അശ്രുപുശ്പ്പങ്ങള്‍  !!!! 
----------------------------------------------------



നനവാര്‍ന്ന മിഴികളോടെ  ഓര്‍മക്കായി  
ഈ ഗാനം ഇവിടെ സമര്‍പ്പികട്ടെ സ്നേഹപൂര്‍വ്വം 

                 

ഒരു നിമിഷം

Photobucket
വരാനിരിക്കുന്നതെന്താണെന്നറിയില്ല,
കഴിഞ്ഞതെല്ലാം എന്തിനാണെന്നറിയില്ല,
നടന്നുകൊണ്ടിരിക്കുന്നത് എന്താണെന്നറിയില്ല.
കേള്‍ക്കുവാനൊരുപാട് പേര്‍ ചുറ്റിനുന്ടെങ്കിലും 
പറയുവാന്‍ ഒരു പാടുണ്ടെങ്കിലും
ഒന്നും കേള്‍ക്കാനോ 
ഒന്നും പറയാനോ 
കഴിയാത്തൊരവസ്ഥ.
ആരോട് പറയുമെല്ലാം
എവിടെ കൊണ്ടു തള്ളും
മനസ്സിലെ കഥനങ്ങളെല്ലാം,
ഭാരം ചുമന്നിനി യാത്ര വയ്യ!
**************************************
ഒരു തണല്‍ മരം കാണുവാന്‍ കഴിഞ്ഞിരുന്നെങ്കില്‍ 
ഒരു അത്താണി കിട്ടിയിരുന്നെങ്കില്‍ 
ഒരു തുള്ളിവെള്ളം നല്കപ്പെട്ടിരുന്നെങ്കില്‍,
ആശ്വാസമായി ഒന്നുറങ്ങാമായിരുന്നു,
ആരെയും വേദനിപ്പിക്കാതെ 
ഇവിടെ മയങ്ങിക്കിടക്കാമായിരുന്നു,
**************************************
നക്ഷത്രങ്ങളെണ്ണി,
ചന്ദ്രനെനോക്കി 
സൂര്യനെ പ്രതീക്ഷിച്ച്,
ഒരു പൊന്‍ പുലരി സ്വപ്നം കണ്ട് 
എല്ലാം മറന്ന്
എല്ലാം മായിച്ച് കൊണ്ടു 
ഒരു പുഷ്പ്പമായി 
ഒരു നിശാഗന്ധിയായി 
എവിടെയെങ്കിലും വിരിയാമായിരുന്നു 
ഒരു ശവനാറി പൂവായി 
എവിടെയെങ്കിലും പൊഴിയാമായിരുന്നു.
------------------------------------------------------------------------

[ജീവിത യാഥാര്‍ത്യങ്ങളുമായി പൊരുത്തപെടാന്‍ എത്ര പ്രയാസം.വേദനകള്‍ തിന്നാന്‍ മാത്രം പാകപ്പെട്ടിട്ടില്ല എന്‍റെ പല്ലുകള്‍ ...വിശ്വാസങ്ങള്‍ കിടയില്‍ കടന്നു കൂടുന്ന ചില അവിശ്വാസങ്ങളെ ,നിങ്ങള്‍ എത്ര ക്രൂരന്മാര്‍ ....മനസ്സൊന്നു പാകപ്പെടട്ടെ....ഞാന്‍ ഒന്ന് പാകപ്പെടുത്തട്ടെ....എനിക്കും ജീവിക്കണം ഈ ഭൂമിയില്‍ ....ജീവിച്ചു മരിക്കാനാണെനിക്കിഷ്ട്ടം....മരിച്ച് ജീവിക്കുന്നതിനേക്കാള്‍ ഏറെ ....]

[2003 ഒരു കവിത ]
 ചിത്രം , കടപ്പാട് : ഗൂഗിള്‍

Answer to my Silent Prayers.




You are the World to me,
And you itself is my Heaven.
You are my Soul,
And you itself is my Shadow.
You are the music of my heart,
And you itself  are my Heart Beats,
You are my Breath,
And you itself is my Sight.
You are everything to me
And you are the Answer to
My Silent Prayers.....


നീയാണഭയം നാഥാ



പടച്ചവനെ,നിന്‍റെ


പടപ്പുകളെല്ലാം
പാപികളായല്ലോ!!!
പശ്ചാത്താപത്തിന്‍ ഭാരത്താലിവര്‍
പ്രാര്‍ത്ഥിക്കുന്നു നിന്‍റെ മുന്നില്‍
പതിവായിട്ടെന്നും നാഥാ.. .
റബ്ബേ !!! കേഴുന്നു നിന്മുന്നിലവര്‍,
നീയാണഭയം നാഥാ...
"അള്ളലായിലാഹ ഇല്ലള്ള
മുഹമ്മദന്‍ റസുലുള്ള."
പയിശാചികമാം ചെയ്തികളാല്‍;
പിശാചാം സാത്താന്‍റെ,
പാത തിരഞ്ഞെടുത്തു-
പിന്തുടര്‍ന്നവര്‍ അറിഞ്ഞിടാതെ!
പിഴച്ചു, നേര്‍വഴിയില്‍ നിന്നും;
പതറി പോയി ഈമാനില്‍ നിന്നും.
റബ്ബേ !!! കേഴുന്നു നിന്മുന്നിലവര്‍,
നീയാണഭയം നാഥാ...
"അള്ളലായിലാഹ ഇല്ലള്ള
മുഹമ്മദന്‍ റസുലുള്ള."

ഉഗ്രതാപം





നീ  അറിയുന്നില്ല
നിന്‍റെ  വാക്കുകള്‍ 

നിന്‍റെ  നാശം ,


നീ അറിയാതെ പോവുന്നു 
നിന്‍റെ രചന 
നിന്നെ ഭ്രാന്തിയാക്കും. 

എന്‍റെ   നാക്ക് നിന്നെ 
പ്രാകാതിരിക്കാന്‍ ഏറെ 
ഇന്ന് പ്രയാസപ്പെടുന്നു.
നിന്നെക്കാള്‍  പ്രായമേറിയ 
എന്‍റെ   മനസ്സ് 

നിന്നെ 



ശപിക്കാതിരിക്കാന്‍
ഞാന്‍   സര്‍വശക്തനില്‍
അഭയം തേടുന്നു.

എന്നിരുന്നാലും നീ 
അറിയുക 

കുഞ്ഞേ 
എന്‍റെ ക്ഷമ ഇന്ന് 
നിന്‍റെ തണല്‍ .
തണലേകും മരത്തിന്‍
ഇലകള്‍ കൊഴിഞ്ഞുയുന്നത്‌ 
നിന്‍റെ കളിത്തിമര്‍പ്പില്‍
നീ അറിയാതെ പോകുന്നു .

ഉഗ്രസൂര്യ താപമേറ്റു
ഹിമമെന്നും ഉരുകിയി
ട്ടെയൊള്ളൂ!!!

കുഞ്ഞേ,
നിന്നെ ഭ്രാന്തിയാക്കും 
നിന്‍റെ നാശം നീ തന്നെ 
ഇരക്കരുത് എന്‍റെ മുന്നില്‍!!! 




ചിത്രം :-കടപ്പാട് ഗൂഗിള്‍ 

പ്രണയാരുവി

Photobucket


നീയെന്നില്‍ നിറയും 
സ്നേഹമാകുന്നു 
ഞാന്‍ നിന്നിലെ 
മൌനവും .
ഞാന്‍ മൌനത്തില്‍ 
വാചാലയാകുമ്പോള്‍ 
നീ വാചാലത്തില്‍ 
മൌനിയാകുന്നു .
അങ്ങിനെ 
നമ്മുടെ പ്രണയാരുവി  
മൌനമായി വാചാലമായി 
ഒഴുകുമ്പോള്‍
തഴുകുന്നത് 
സ്വപ്ന സ്വര്‍ഗ്ഗ 
വീഥികളെ,
സ്വരലയ താളങ്ങളെ. 

ഞാന്‍ അറിയുന്ന നീ

Photobucket


നീയറിയുന്ന എന്‍ സ്നേഹം 
ഒരു കൈകുമ്ബിളിലെ ജലം.
പക്ഷെ എന്നില്‍ ആര്തലത്തല്ലും 
സാഗരത്തെ നീയറിയുന്നിലല്ലോ?

നീയറിയുന്ന എന്‍ പ്രണയം 
ഇരുട്ടില്‍ മിന്നും മിന്നാമിന്നി കൂട്ടം.
പക്ഷെ എന്നിലെ പ്രണയാമ്ബരത്തില്‍
താരകങ്ങളെ നീ കാണുന്നില്ലല്ലോ ?

നീയറിയുന്ന എന്‍ സ്നേഹം 
കേവലം കടലാസ്സുപുഷ്പങ്ങള്‍ പോല്‍,
പക്ഷെ എന്നിലെ മലര്‍വാടിയില്‍ നിനക്കായി
 മധുതൂകും പരിമളം പരത്തും എത്ര പുഷ്പങ്ങള്‍.

നീയറിയുന്നതൊന്നും ഞാനല്ലല്ലോ 
എന്റെ പ്രണയമേ ...
ഞാന്‍ അറിയുന്ന നീ 
യെന്നെയറിയാതെ പോവുന്നതന്തേ  ???

സ്വാതന്ത്ര്യം

Photobucket


തമാശ,ഹാസ്യം 
ഇവ  മറ്റുള്ളവരെ 
ചിരിപ്പിക്കാനുള്ളതാണ്,
ചിന്തിപ്പിക്കാനുള്ളതാണ്.
വിമര്‍ശനം നന്മ നിറഞ്ഞതും ,
ലാളിത്യം തുളുംബുന്നതും 
ആയാല്‍ വിമര്‍ശിക്കപ്പെടുന്നവന്‍ 
വളരും ,അവന്‍  തളരില്ല.
അപ്പോള്‍ മാത്രമേ ഹാസ്യത്തിനും 
വിമര്‍ശനത്തിനും 
അര്‍ത്ഥമുണ്ടാകുന്നൊള്ളൂ,
വിജയമൊള്ളൂ ,
രസം വര്‍ദ്ധിക്കുന്നൊള്ളൂ ...
അവ രണ്ടും മറ്റുള്ളവരെ 
വ്രണപ്പെടുത്താനുള്ള അസ്ത്രമല്ല 
എന്ന തിരിച്ചറിവ് നേടുക!!!
ഒപ്പം അറിയുക എത്ര അടുത്താലും 
മറ്റുള്ളവരുടെ മൂക്കിന്‍ 
തുമ്പ് വരെ മാത്രമേ 
അവര്‍ക്ക്  വിരല്‍ 
ചൂണ്ടാന്‍ കഴിയു ,
അവിടെ നമ്മുടെ   
സ്വാതന്ത്ര്യം മരിക്കുന്നു !!! 
                                                                                                                                [ഒരു ചിന്ത ,2001]