നീയറിയുന്ന എന്‍ സ്നേഹം
ഒരു കൈകുമ്ബിളിലെ ജലം.
പക്ഷെ എന്നില്‍ ആര്തലത്തല്ലും
സാഗരത്തെ നീയറിയുന്നിലല്ലോ?
നീയറിയുന്ന എന്‍ പ്രണയം
ഇരുട്ടില്‍ മിന്നും മിന്നാമിന്നി കൂട്ടം.
പക്ഷെ എന്നിലെ പ്രണയാമ്ബരത്തില്‍
താരകങ്ങളെ നീ കാണുന്നില്ലല്ലോ ?
നീയറിയുന്ന എന്‍ സ്നേഹം
കേവലം കടലാസ്സുപുഷ്പങ്ങള്‍ പോല്‍,
പക്ഷെ എന്നിലെ മലര്‍വാടിയില്‍ നിനക്കായി
മധുതൂകും പരിമളം പരത്തും എത്ര പുഷ്പങ്ങള്‍.
നീയറിയുന്നതൊന്നും ഞാനല്ലല്ലോ
എന്റെ പ്രണയമേ ...
ഞാന്‍ അറിയുന്ന നീ
യെന്നെയറിയാതെ പോവുന്നതന്തേ ???
